سراب ............ بقلم / حاتم صلاح ........... مجلة ~ قيثارة القلم الذهبى ~

افرد شراع صفرى فية يا ريح
واشد قلوع لشط المجاريح
حامل اهاتى ولوعتى
سيرى ساير بسكتى
لا اعشق ولا ياخدنى هيام
ما اسلم لهوى او غرام
اعيد من تانى اوقات الم
يبقى على نفسى حرام
اخرتها حامل جرح دامى
اخرتها قلب كسير دبيح
كلام كنت بعشقة
لكن ما عدت اصدقة
كلام كلام سراب اوهام
كان غرام زى الدهب
منة الجرام سطر اتكتب
حروف صفوف بلا معانى
توهة واحلام وامانى
كلة كلام ما يساوى كام
نزوقة ونعشقة نطلق علية غرام
ونعود بالانين يروح الحنين
كدب كنا بنصدقة
نوصف عشق ونعشقة
وفى الحياة ما نحققة
من الزمان كنا نسرقة
عايشنا الخداع مد الدراع
تحضن سراب و ما تلحقة