نُص القلوب دنيا
كل القلوب ألم
نُص الألم إحساس
كل الألم ندم
نُص العطش فـ الريق
كل العطش حق
نٌص الحقوق بتضيق
كل الحقوق أرق
نُص السلام بالايد
كل السلام بالعين
نُص العيون ضحكة
كل العيون دامعين
واحنا اللي مختلفين
في الحب ولا الدين
يا معجونين بالطين
الحب ده دنيا
والدنيا أصلا دين
يا مخلوقين من عدم
واتشكلوا إرادة
اللي اتبني اتهدم
وياكوا بزيادة
الحب ويا الندم
صبحوا كما العادة
وقلوب بتهجر ناس
قولبها متكادة
بقلم / تهاني عبد السلام
ليست هناك تعليقات:
إرسال تعليق