قصيدة حلم غريق
===========
حلمت مرة حلم جنان وكأنى يعنى اكيد غرقان
فى بحر وحدوده الشطان او نهر على جنبه الافنان
وقابلت غرقى فى قاعه زمان تاهوا بسرعة مع الأيام
فى البحر هاجروا هربانين واخرتها أصبحوا غرقانين
وسالت واحد فيهم من أسيوط ايه السبب فى صعود وهبوط
وقال لى يعنى لقمة عيش ورأى عمى الحاج عليش
وقالوا لى ممكن تبقى غريق قلت المعيشة دى ضنك وضيق
انا عيلتى سبعة وباعولهم والفقر محفور فى عيونهم
ولا عندى أرض ولازريبة والعيشة غالية وغريبة
وقلت اعمل زى اصحابى واعيش بقى وانسى عذابى
والفقر كان زى الكوبة وقلت اهاجر لاوروبا
وكنا عطاشى بلا مية دلوقت غرقى وفى المية
لكنى اصلى كده منحوس ولا طلت مال ولا حتى فانوس
اصل الحظوظ كده مكتوبة وللفقرى زى بوسة فى طوبة
وقابلت واحد تانى غرقان فى مية نيلى بدون عنوان
وسألته برضه نفس سؤال ايه اللى غير كده الأحوال
وقال لى اصلى انا غلبان ركبت معدية اعدى
وصاحبها زودها شوية وملاها بحمولة قوية
وبدون لا رخصة ولاترخيص أرواحنا راحت برضه فطيس
اللى ده كان رايح شغله واللى يوفر من بخله
واللى دى كانت مخطوبة غرقت ويعنى اسمها زوبة
وأطفال زهور معيدين وبنات ريحتها فل وياسمين
غرقنا جمعا يا جماعة وبسرعة رفعوا الشماعة
وسالت واحد تانى غرقان ايه اللى غرقك انت كمان
قال لى من سوريا وهربان من ظلم اخ لاخوه الانسان
وحاولت اهاجر لاوروبا وانجو باهلى مع الغربة
وبدل مااموت بدمار والنار غرقت برضه فى بحر مرار
وبكيت بشدة وأنا مهووس وصحيت لقيته برضه كابوس
مع تحيات الفقير الى الله
ياسر شرف- كبير محررين مترجمين
بقطاع الاخبار- الاذاعة والتلفزيون
ليست هناك تعليقات:
إرسال تعليق