** .. بيوت .. ** // بقلم / على فياض البلصفورى ( قطرات الندى ) // // مجلة ~ فيتارة القلم الذهبي

--------------بيوت-------------
بيوت مدارياها الحيطان
وفلاح فى قلب الغيط تعبان
ومن شده تعبه على السد نام
يحلم بدنيا جميله لكن
حلمك بسيط يا غلبان
شاكى وباكى من قسوه الحرمان
دموع على خدك
أترسمت على وجه الزمان
حزين أنت يا غلبان
ولقمتك بين شفايفك
مليانه من رمل المكان
أصبريمكن يجى يوم
ويعرف الفرح المكان
ولا خلاص أكون مسجون وسجان
بيوت مدارياها الحيطان
والفقر رفرف بجنحاته
كأنه شاف قدامه بر الأمان
كفايه نفسى أنسى أسمك
ليه يا دنيا مش حاسه بحزنى
أنا الفقير خلاص أنتهى حلمى
والألم والحزن أصبح نصيبى
كفايه يادنيا يا ريت على تحنى
يا دنيا مات الحب جوايا
مكتوب على لازم أتحمل
أنحنى ظهرى وأنتهى أنا عمرى
يمكن يجى يوم والفقر ينسى بابى
بيوت مدارياها الحيطان
وفلاح فى قلب الغيط تعبان
الشاعر/ على فياض البلصفورى
قطرات الندى