&أوعي في يوم تكره إنسان&
بقلم:أحمد عبدالباقي
---------------------------------
أوعي في يوم تكره إنسان
سابلك
ذكري في كل مكان
سابلك
روحه تحوم حواليك
سابلك
ضحكه في حضن زمان
مهما بيبعد
مهما بيجرح
طلع صورته وعيش وياها
يمكن فيها تلاقي حنان
يمكن فيها تنسي القسوه
يمكن فيها الحب يبان
فكر في كلامه
وعيش ع الذكري
واحلم إنه هيرجع بكره
غمض عينك واسرح فيه
وفي حضنك خده دفيه
ايون عاتبه
براحه إقسي عليه
بس
أوعي في يوم تكره إنسان
سابلك
ذكري في كل مكان
أيون رسم الحزن
في وشك
بس الضحكه رسمها كمان
-------------------------------
أحمد عبدالباقي
ليست هناك تعليقات:
إرسال تعليق