فراشتي
.............................................................................................
ببساطه وبكل وضوح
مين فينا مش موجوع
تيجي يلا نفتح موضوع
أنت أي شخص ومن أي نوع
×××××××××××××××
رسمت الضحكه علي كام وش وأنت حزين
وقفت جنب مين في شده وقولت أنا معاك وربك معين
وكام مره واحد باعك عشان عرف غيرك ناس تانين
وحاسبت علي كام فاتوره وبكيت من قلبك قبل العين
×××××××××××××××××××××××××××
كام مره أنجرحت وقولت سماح
وكام وأحد أفتكرك ضعيف مش قادر
وكام مره كان كل همك غيرك يبقي مرتاج
مع أن هو أكتر واحد كان جارح وغادر
××××××××××××××××××××
كم مره شلت هم غيرك
وقولي مين حتي قالك كتر خيرك
عايش حياتك ليهم مش لنفسك
قولي مين حس بيك وأنت بتواجه مصيرك
××××××××××××××××××××××
كام مره راهنت وكام مره خسرت علي جدع طلع مش جدع
وكام مره قولت يمكن يصدق المره دي ونشوف الوداع
ورغم كل ده شوفت منه إبدعات شوفت البدع
هو ده زمن وهي دي حياتنا مفيش في قلوبهم غير شر أنزرع
×××××××××××××××××××××××××××××××
يلا قفلنا الموضوع
وبعد الذهاب مفيش رجوع
تبكي عين أو يبكي قلب
وأيه الجديد منا طول عمري موجوع
بقلم / محمد عبدة
ليست هناك تعليقات:
إرسال تعليق