متوجعنيش...
...
بعادك دا كتيرعني
مريحنيش.
متوجعنيش غرامك دا
ميلزمنيش
ومن غيرك اكيدعايش
ميشغلنيش
غيابك لوسنين عني
ميفرقنيش.
ولوفكرت هاموت بعداكيدشكلك
متعرفنيش..
بحب بس بحدودي وبم.
مفيش.
متوجعنيش.
....
قريبا
كلمات علي النمر.
..2020
إظهار الرسائل ذات التسميات شعر عامي. إظهار كافة الرسائل
إظهار الرسائل ذات التسميات شعر عامي. إظهار كافة الرسائل
الاثنين، 30 نوفمبر 2020
الثلاثاء، 10 نوفمبر 2020
** ((( أجواء شتويه ))) ** & بقلم الشاعر / محمود صلاح السيد
((( أجواء شتويه )))
الشمس غابت فى السما
والليل نزل ستاره وضلمت
نزل المطرعلى كل حى فى أرضنا
حبات برد على الأرض نزله بتتبدر
فيه ناس كتير دفت خلاص نفسها
حبت تجمل شكلها من وصفها
ف أيديها ريشه وحبة ورق
رسمت عليها قوس قزح
وبلون جميل فرشت ألوانها ولونت
نفس المشاعر فيه ناس كتيرمعجبه بيها
ذكرى الشتا وأحنا كنا صغيرين
محفوره فينا عايشه من سنين
كام واحد كان هنا قاعد جانبنا
وحكى لنا حكاوى محفوره لسا ف قلبنا
دول ناس عزاز طيبين
وكانوا منا قريبين ف مقام الأخ الكبير
خلص الشتا وفصول السنه أتبدلت
وأتشتت كل الملامح الطيبه وأتبهدلت
باين عليهم التعب والبرد خدر جسمهم
واقفين فى وش الريح لوحدهم
والريح قويه كشفت من عليهم الغطا
نحتت فيهم تجاعيد زمنهم وأيديهم متربطا
كلمات/محمود صلاح السيد
9/1/2019
** والعبيط بيحب موت ** & بقلم الشاعر / علي النمر & مجلة ~ قيثارة القلم الذهبي
والعبيط بيحب موت.
....
كنت بحلم اني عرفك
اني شايفك اني حسك
اني ماالاخر مرايتك.
فوق ياحلمي ياله موت.
...
ملتقيتش ف لحظه اني
بسمتك او يوم تحني
لما اقربلك تكني.
عاشقه دايما للسكوت.
...
نفسي افرح ملتقيتش
كل حبك ليا غش.
وف صباحك الف وش.
والعبيط بيحب موت.
....
فوق ياقلبي مااللي فيك
واللي باعك مش شاريك
ابعد انت وابقى شيك
واترك الاحلام تموت.
...
عمري مااتمنيت اكون
لاء بحبك لاء بهون
علمت قلبي بسكون.
اول العشاق يموت.
.....
كلمات علي النمر.
الثلاثاء، 27 أكتوبر 2020
*** حقيقي مش هذيان *** & بقلم الشاعر / ياسر مرسي ( مصر ) & مجلة ~ قيثارة القلم الذهبي ~
*** حقيقي مش هذيان ***
عطروني تانى كمان بالخذلان
ماعادش فـــارق كان ي مكان
يالا ي دنيـــا هاتى اللى عندك
أمتى كان أنا لي حظ أو عنوان
عادي وراضي ومـش جديــــد
الحـزن صاحبي طــول الزمان
تفرق في أيـة أيـــــــــام تعدي
مافيها حلو فيها كل الود هوان
سـلام ي صاحبي على الأمـان
ميسرها تحلي وبكــرة يـــــبان
*** ياســــرمرسي ***
*_* .. الجنية .. *_* & بقلم الشاعر / علي النمر & مجلة ~ قيثارة القلم الذهبي ~
الجنيه
...
اناحبتها جنيه.
بشعرطويل وحنيه.
اتاري الحلم توهني
وكان قاصديجنني
عشان عاشق لجنيه.
حولت احلم واناصاحي
واكلم نفسي..ارتاحي
لاانا شايف في عيني نوم
ومن غيرهابكون مهموم.
وعشقي كان لها غيه.
مااناحبتها جنيه.
بخبط عاالبيبان باليل
وطول عشقي بشوف الويل
وبضرب كفي على كفي
وراضي بقسمتي وهامشي.
عشان عاشق لجنيه.
وعشقي كان لها غيه.
الاثنين، 26 أكتوبر 2020
*_* .. ياواد ياصغير .. *_* & بقلم الشاعر / علي النمر & مجلة ~ قيثارة القلم الذهبي ~
ياواد ياصغير
ياوادياصغيراستنى
نسيت الدنيادي في حبك
واحلامي كانت هتموت
ياشجرة توت بتحيني
كااني دخلت في الجنه
ياوادياصغيراستنى
انابكرا اللي مستني
تعيشه معاه احليك تحليني
انااللي بقلبي بندهلك
يااجمل حاجه في الدنيا
ياروح القلب اتمنى
ياوادياصغيراستنى
بحب كل حاجه فيك
وهفضل طول حياتي ارضيك
يااطيب قلب فرحني
كااني اتولدت جديد
ولوعايزحياتي اعطيك
ياوادياصغيراستنى
كأن ملاك بيتمشى
على ارض الحياه فرحان
برائةالنونو يانونو
قرب من حياتي كمان
ياوعدي لما تتمشى
ياوادياصغيراستنى
...
كلمات علي النمر
السبت، 10 أكتوبر 2020
*-* .. على مائدة التفاوض .. *-* & بقلم مهندس / حسن سعد السيد & مجلة ~ قيثارة القلم الذهبي ~
على مائدة التفاوض
،،،،،،،،،،،،،،،،،،،،،،،،،،،،،
على مائدة التفاوض
جلست والجانى
احكى قصتى
العالم حوالى يُنصتْ
والدموع تفيض
من مقلتي
هذا هو الجانى يداه
مخضبة بالدماء
سرق أحلامي
قتل برائتي
وطنى لم يعد وطنى
هذا الجانى سلب الأرض
وطمس هويتي
الارض ارضى والأشجارُ
شاهدة وأسمى محفور
على جزعها
يوم ولادتي
نعم أنا نبت تلك الارض
كشجرة الزيتون شامخة
لن تنكس رايتى
لن ترهبنى مدافعكم
فلتذهب للجحيم جسوركم
لن أمِلْ وان طالت مِحْنَتِي
ٌ القدس رمز للمحبة والسلام
مسرى الحبيب
أول قبلتي
صمت العالم من حوالى
آثار الشك فى نفسى
زاد من حيرتي
عجبت لهذا العالم
لا يبالى كأنه
قد باع قضيتي
ماذا اصنع وأنا الان
وحيده من يمد
يد العون لنصرتي
أين دعاة الحرية
اولست انسان مثلكم
لكم حريتكم
وَلِى حريتى
نعم أنا إنسان مثلكم
ولدت حرا والحرية
أسمى غايتى
اخى أيها العربى
لما خزلتني
تركتني والجانى
طامعا فى وحدتي
هل هانت عليك دموعي
هل رضيت مَذَلَّتى
القدس تدمى
والأقصى ينادى
والأحرار أسرى
والسلاح حجارتى
لن استكين
سانتفض
ولن تهدأ ثورتى
حتى يسمع العالم صوتى
ويؤمن
بعدل قضيتى
،،،،،،،،،،،،،،،،،،،،،،،،،،،،،،،،،
بقلمى
مهندس / حسن سعد السيد
*-* .. أيد حنينــــــة .. *_* & بقلم الشاعر / ياسر مرسي ( مصر ) & مجلة ~ قيثارة القلم الذهبي
*-* .. أيد حنينــــــة .. *_*
مش أى أيد تطبطب عليك
تبقي أيد حنينه
في كتير أيدين نواياها
يعلمها بس ربنا
ما تنخدعش خلاص ماعدش
طيبة ولا حتي جدعنه
كل الوشوش مخفيه بقناع
والخداع بقي روشنه
كله داير بالنفاق جوا الدواير
واللي حاير أنت وأنا
بدون كلام يا صاحبي سلام
ع العمر اللي خلاص فنى
السكره راحت والذكري لاحت
ولو لقيت نفسك هنا
سمعني رأيك في الكلام إذا
كان تمام فينا كلنا
ولا حروفي دي مجرد سطور
شافتها عينك ملونه
بقلمي .. ياسر مرسي
الخميس، 8 أكتوبر 2020
... *** بكفايــــــــة *** ... & بقلم الشاعر / ياســر مرسي ( مصر ) & مجلة ~ قيثارة القلم الذهبي ~
... *** بكفايــــــــة *** ...
كفايــة كــدب كفاية خـــداع
وبكفايـة العمـر اللى ضــاع
.
فـــوق جبــين العمــــر ولي
كل أمـــــل كان لى شعـــاع
.
صارعت مــوج بالبحرعاتى
صفعنى ريــح كسـرالشراع
.
قمت تاني جَـــبرتُ كســري
طلــع الطبيـــب وش بقـــناع
.
داريت أنيني جـــــوا عيوني
ببســمة وجــــع وآلم مشــاع
.
قلت أرحمــونى وأعتقـــوني
لقـــــــيت ظنـــونى بأقتــناع
.
دا اللى بـــاع وأســـــــتطاع
جرحى بمهــــارة وأستمـتاع
.
علمني فعــــلاً درس عمري
بقـــولة شكــراً ع الأوجــاع
.
الحــزن مهـــما طال معايــا
حالة ومسـيرها تقـول وداع
.
... بقلمــــــــــي ...
* ياســــــــرمرسي *
((( فــــااارس )))
الأربعاء، 30 سبتمبر 2020
* .. عينىّ عليـــــــــــــــــــــــك ..* & بقلم الشاعر / ياسـر مرسي ( مصر ) & مجلة ~ قيثارة القلم الذهبي ~
~: شعــــــــــــر غنائي :~
~: أغنيــــــــة :~
*** .. عينىّ عليـــــــــــــــــــــــك ..***
مـين اللي قــال أنى عينىّ مــــــش عليك
دا القلب داب والله والـــــروح تشتهــيك
أمتى الوصال بالهــــــــوى يجمعنى بيك
ي أرق معنى للدلال أنـــــــا همسي ليك
............................................
قبلك أنت ي حبيبي عمـري ماعيشتهوش
فات وعدي ,, والنهادرة ,, بنــــدم عليه
كنت تايهه والأيــام ما يتلامـــــــــــــوش
اليوم لاقتنى . بضي عينيك . لاقتني فيه
............................................
مـين اللي قــال أنى عينىّ
............مــــــش عليك
دا القلــــــــــب داب والله
..........روحي تشتهيك
...........................................
طال سهادي وأنــــا بنادي بشوقي عليك
ي اللى دابت ي حبيبي شجــــونى فيك
أمتى ألاقي نفسي بشوقي وأنا بين أديك
نفسي والله بلحظة واحـدة أشوف عينيك
............................................
مـين اللي قــال أنى عينىّ
............مــــــش عليك
دا القلــــــــــب داب والله
..........روحي تشتهيك
...........................................
قـــرب بلاش عنى تبعد بـــلاش تغيب
مستحــــيل يكون لى مــن بعدك حبيب
ي ريت يصيب قلبك نـــداي
وتكــــــون هناي .. ي مناي
والله دا الجـرح الرهيب معاك يطــيب
............................................
مـين اللي قــال أنى عينىّ
............مــــــش عليك
دا القلــــــــــب داب والله
..........روحي تشتهيك
.............................................
همسي ليك , حنين وشـوق , قلب شاريك
مهما طال الهجر , صوتي بينده عليك
ولو بعدت , عنى بعد , بضوء السنين
مستحيل أدعي عليك ,, بس لله ح أشتكيك
............................................
مـين اللي قــال أنى عينىّ
............مــــــش عليك
دا القلــــــــــب داب والله
..........روحي تشتهيك
.
,,,, بقلمي ,,,
* ياســـرمرسي **
(((( فارس فارس ))))
الثلاثاء، 29 سبتمبر 2020
*** ,, عنك ح أتوب ,, ** & بقلم الشاعر / ياســرمرسي ( مصر ) & مجلة ~ قيثارة القلم الذهبي ~
~: شعـــــــرغنائي :~
... أغنيــــــــــــة ...
*** ,, عنك ح أتوب ,, **
غيب عنى وأبعد ’ أقسي وأعند
خلاص انا,, قررت أنساك
كل أما توعد , تخلف وتجحد
ذنبي أنا ,,, أن أنا بهواك
كنت فاكر أنك ملاك أتاريك هلاك
ظلمت نفسي كتير معاك خليك هناك
والله ل أتوب,, أنا عن هواك
أكيد حكون من غير ظنون
ي حبيبي أجمد ’ وناري تهمد
زى ما كنت بالعيون تحت الجفون
دي العين بتفقد ’’ الدمع أبعد
ما انا ذنبي انى,, دبت بهواك
سبينى الاقي نفسي من غير رضاك
ولو ح اموت الموت أرق من أساك
مسيري أنسىّ ’’ وقلبي يقسىّ
وما تقلوش لسة أني همسة
حنين وشووووق .. عايشة جواك
والله ل أتوب,, أنا عن هواك
...... بقلمي ......
** ياســرمرسي **
*-* _ .. جهــــــــر وســـــــــــر .. _ *-* & بقلم الشاعر / ياسر مرسي ( مصر ) & مجلة ~ قيثارة القلم الذهبي ~
*-* _ .. جهــــــــر وســـــــــــر .. _ *-* ________________________
أنا مش هقول في عنيك شعر
الشعــــــــــــــر نفسة قصاد عينيك
حـــــرف جـــــر
هقول كلام من جــــــــــوا قلبي
نفسي أقوله من زمان كنت بخبي
وكلامي حـــــر
أحساسي بيـك ماهــــوش كلام
في الغرام قلبي حسـه والســــلام
بقول وأقـــــر
لا دا أنت معنىّ كل شــــــــــوق
رقه ودلع والأصل عال والله فوق
حقك تتغــــر
سيبنى أغازلك بقىّ بطريقتي
من غير خجل والحاسدين نقولهم
للخلــــف در
من يوم ما شوفتك قلبي حبك
حاولت أقولك وقتها منعي صدك
أديتني أمـــر
نفسي أضمك أنـا بين ضلوعي
وتنشف دموعي ويكون خشوعي
بكفاية هجـــر
قرب هنا عليك بنادي ياودادي
سحرك أسرني وقتلني يا مـــرادي
عشقي ياجمر
شهد أنت فيك تَسكر شجوني
كأس من شفايفك يروي مجوني
نبيذ وخمــــــــر
ولو لاموني هـــــقول أرحموني
دا العشـــــق نار بلاش تظلموني
جهر وســـــــــــر
وأنا مش هقول في عنيك شعر
الشعــــــــــــــر نفسة قصاد عينيك
حـــــرف جـــــــر
*
****
*******
*-* _ ... بقلمـــــي .. _ *-*
ياســــــــ مرسي ــــــــــــــر
الاشتراك في:
الرسائل (Atom)