عن الحب والسلام
الوحده العربيه
بقــــلم تامر النقيب
****************
سلام الله على بلادى
سلام الله على الاوطان
أنا تامر ومصر أغلى من نفسى
وهى حبيبتى وحدى
وأم الدنيا والبلدان
وبعشق عروبتى أيضا
وفخرى اني عربى
ولدت فى تونس الخضراء
عشقت ليبيا والسودان
وفى صغرى تمنيت
اروح بغداد
عشان عاشق انا لناسها
وساكنه القلب والوجدان
وكنت بطوف فى أحلامى
بلاد مكه
وكنت بقلبى فى لبنان
وفى الامارات كتبت قصيدتى
عاشق ياشيخ زايد
شافوها أحبابى فى اليمنى
وأعجب بيها فى عمان
سلامى لحبى ولأهلى
فى أرض القدس
وفى غزة
أنا العربى..!!
ونفسى يوم ولانفرق
ما بين اوطان
ويبقى المصرى
أماراتى
على تونسى
على ليبى
على عراقى
وكمان يمنى
وبحرينى
ويجمعنا واحد شريان
حلمت كتير نكون واحد
ولا نفرق مابين أديان
ونبقى كمان وطن واحد
لاحد يقول انا سعودى
وتانى يقول انا سورى
لكن عاوزين بجد يقول
انا عربى..!
ووطنى هو كل مكان
نقوم الصبح من نومنا
نشيل عن بعض فى همومنا
ونغزل والله أحلامنـــــا
لبعض نعزف الالحان
نخلى بلادنا وأوطانا
بلمتنا واطن واحـــد
ولا نفرق مابين لهجه ولا الوان
وتبقى كل أعلامنا علم واحد
بأسم العالم العربى
باسم الحب واﻹيمان
ونتجمع ما نتفرق
نهد الظلم والطغيان
أنا ناديت ومين يسمع
شكوتى وهمى ؟
ومين يفهم؟
كفايه ضعنا م الفتنه
وراحت منا وحدتنا
وخلونا نسيب أرا ضينا وبيوتنا
تشتتنا فى كل مكان
صباح الفل
مساء الورد يا عـــــروبه
وأوعى تقول دى مقلوبه
أرضينا بظلم ونار
من الاغــــراب بقيت عايشه ومغصوبه
سلام الله على بلادى
وكل عربى فى الدنيا
يارب تكونو فاهمينى
ونتحرك بقى فى ثانيه
نلم بعض بكفوفنا
وننسى بالفرح خوفنا
وأقول للغرب من تانى
انا عربى وكل العرب أخوانى
سلام الله على بلادى
سلام على اﻷوطان
تعالو نلم بعضينا
ونتجمع فى كل مكان
تحياتى ودعواتى
لكل المغرب العربى
لكل حبايبى واللأوطـــــان
__________________
,, تـــــامر النقــــيب ,,
ليست هناك تعليقات:
إرسال تعليق