** (( .. الله بقي .. )) ** // بقلم / محمود ابوالوفا // مجلة ~ فيتارة القلم الذهبي

الله بقي

الله عليك جاتلي انت منبين
عوضتني ايامي اللي فاتوني
الله بقي .يا ابو احلي عينين
هزتني .شدتني. وسحروني
الله بقي. نسيتني انا مين
الله بقي. او حتي انا فين
دا حتي نسيتني اللي جابوني
الله بقي . كلامك اشعار
الله بقي. سكوتك ابهار
نسيتني بهواك اللي خانوني
الله عليك جاتلي انت منيين… عوضتني ايامي اللي فاتوني

الله عليك وهي ضحكت تاني
معاك حياتي ولياليها
الله بقي . وهواك خلاني
حبيتها وهاحبك اديها
الله عليك .نسيتني الماضي
الله بقي. ومعاك بقي عادي
مع انهم قبلك ظلموني
الله بقي.. كده كتر خيرهم
الله بقي.. بعدوا بمتاعبهم
لولا بعادهم ماشافوك عيني
الله عليك جاتلي انت منيين… عوضتني ايامي اللي فاتوني
الله بقي يا ابو احلي عينين.. هزتني.. شدتني .وسحروني
محمود ابوالوفا