♣ بعشق جنونك ♣ بقلم / تهاني عبد السلام مجلة فيتارة القلم الذهبى

  ♣   بعشق جنونك   ♣

بعشق جنونك لما تغير ... لما تحس بأني هطير
لما تحس إني بَغَيرْ ... أو بتغير في التفكير
**...
عاشقة جنونك لما تفكر ... إني بحب في واحد تاني
لما تجيني يوم وتقولي ... من غيري تعيش ازاي وحداني
**
عشق جنونك مالهوش آخر .. نفسي حبيبي بس تفكر
إني حقيقي لا يمكن أسيبك ... أو حتى على بعدك هقدر
لو قلبي يطاوعني ... لو قادرة عليه
لا أفكر فيك .. ولا أجري عليك
لكن أعمل إيه
أنا عاشقة جنونك
عاشقة السحر اللي في جفونك
عاشقة عيونك
لما تغير .. لما تحس بإني هطير
لما تحس إني بَغَيرْ .. أو بتغير في التفكير

**
طب أعمل إيه مأنا بعمري شرياك
وأجمل ما فيا .. إنك ليا .. وإن أنا وياك
م أنا عاشقة سلامك ... لما بيرعش لمسة أيدي
عاشقة الدمعة ... اللي بتنزف على تنهيدي
أنا عاشقة جنونك
عاشقة السحر اللي في جفونك
عاشقة عيونك
لما تغير .. لما تحس بإني هطير
لما تحس إني بَغَيرْ .. أو بتغير في التفكير

   شعر غنائي  
    ♦♣♠     بقلم / تهاني عبد السلام     ♦♣♠