فى عز الحر بشتقلك
بقلم تامر النقيب
________________
فى عز الحر
بشوفك زى نور البدر...
وجوة الشمس بتطلي
وبتخلى ربوع شوقى بتشتقلك
وتندهلك تعالى لقلبى محتاج لك
غزلت لك م الشموس حكايات
ومن حر النهار عقدك
وشمس أصيله بتزغرد
على خدك
وطير واقف وبيرغد
وبغنى كلام أشعارى ويقولك
دة واد أسمر وبيحبك
وساب الدنيا من أجلك
ولم أحزانه كلفتها بورق
مخلوط معاه ريحتك
معاه اسمك وراسم صورته
فوق كفك
وناقش بالحنين صوتك
على ضلوعه وعامل ليكي
بيت وردى بشريانه
وخلى كل أحزانه بقت فرحك
فى عز شقايا مش ناسي
عيونك دول بكون شايفك
ولما الشمس تلفحنى
بروح ادارى فى حضنك
وتبقي ليا ضلايه وشجرايه
وميه زمزم الطاهره
وبتمنى أكون عطشك
وأرويكي على مهلك
وتشربى منى مايشبع
لهيب قلبك
وأبقى تملى عطشان لك
بحب الحر والصهده
عشان فيهم أنا حسك
تخبينى وترمينى جوة أحضانك
وأكون فارس ومحتلك
ورافع كل رياتى بمملكتك
ما أنا طفلك وأنا راجلك
وأنا المعجون فيكي كلك
وأنا اللى غارو منى الناس
عشان حبك
وأعلنت الهوى دينى
ودينى فى يوم ماأخون حبك
وأصونك قد ما هقدر
وأفضل باقى على عهدك
ده أنا بسهر وليلى طويل
بقول يمكن أشوف نجمك
وأكتبلك كلام الحب فى حسنك
ماهو العاشق لو يكون صادق
يعيش العمر مايفارق
يكون سهران
يكون سكران
يكون للبعد مش طايق
يدور ع الحبيب ف الناس
يترجم بالورق أحساس
ولو يشرب مرار الكاس
يكون جوة الغرام غارق
منيش بكدب ولا اتجمل
ولا عاوز أكون مهمل
دة أنا ف حبك أنا اﻷمثل
وكل حروفى علشانك
بزينها بالورود تكمل
خلاص الصبر فاض بيا
لقيت فيكى مراسيا
وغنيتك وحبيتك وخبيتك
فلما حبيبتى يوم أغلط
ياريت ﻷخطائى تتحمل
بحبك حب مالو وصف
ومالو زى ومليان عطف
فى عز الحر عقلى خف
ورغم شقايا أنا شايفك
وقولت أبعت وأكتبلك
فى عز الحر
بشوفك زى النور البدر
وبشتقلك
______________
تامر النقيب
بقلم تامر النقيب
________________
فى عز الحر
بشوفك زى نور البدر...
وجوة الشمس بتطلي
وبتخلى ربوع شوقى بتشتقلك
وتندهلك تعالى لقلبى محتاج لك
غزلت لك م الشموس حكايات
ومن حر النهار عقدك
وشمس أصيله بتزغرد
على خدك
وطير واقف وبيرغد
وبغنى كلام أشعارى ويقولك
دة واد أسمر وبيحبك
وساب الدنيا من أجلك
ولم أحزانه كلفتها بورق
مخلوط معاه ريحتك
معاه اسمك وراسم صورته
فوق كفك
وناقش بالحنين صوتك
على ضلوعه وعامل ليكي
بيت وردى بشريانه
وخلى كل أحزانه بقت فرحك
فى عز شقايا مش ناسي
عيونك دول بكون شايفك
ولما الشمس تلفحنى
بروح ادارى فى حضنك
وتبقي ليا ضلايه وشجرايه
وميه زمزم الطاهره
وبتمنى أكون عطشك
وأرويكي على مهلك
وتشربى منى مايشبع
لهيب قلبك
وأبقى تملى عطشان لك
بحب الحر والصهده
عشان فيهم أنا حسك
تخبينى وترمينى جوة أحضانك
وأكون فارس ومحتلك
ورافع كل رياتى بمملكتك
ما أنا طفلك وأنا راجلك
وأنا المعجون فيكي كلك
وأنا اللى غارو منى الناس
عشان حبك
وأعلنت الهوى دينى
ودينى فى يوم ماأخون حبك
وأصونك قد ما هقدر
وأفضل باقى على عهدك
ده أنا بسهر وليلى طويل
بقول يمكن أشوف نجمك
وأكتبلك كلام الحب فى حسنك
ماهو العاشق لو يكون صادق
يعيش العمر مايفارق
يكون سهران
يكون سكران
يكون للبعد مش طايق
يدور ع الحبيب ف الناس
يترجم بالورق أحساس
ولو يشرب مرار الكاس
يكون جوة الغرام غارق
منيش بكدب ولا اتجمل
ولا عاوز أكون مهمل
دة أنا ف حبك أنا اﻷمثل
وكل حروفى علشانك
بزينها بالورود تكمل
خلاص الصبر فاض بيا
لقيت فيكى مراسيا
وغنيتك وحبيتك وخبيتك
فلما حبيبتى يوم أغلط
ياريت ﻷخطائى تتحمل
بحبك حب مالو وصف
ومالو زى ومليان عطف
فى عز الحر عقلى خف
ورغم شقايا أنا شايفك
وقولت أبعت وأكتبلك
فى عز الحر
بشوفك زى النور البدر
وبشتقلك
______________
تامر النقيب
ليست هناك تعليقات:
إرسال تعليق