الشاعر المصري /احمد ابراهيم
************************
فى قصيدة/مش هفوتك
*******************
لسه جنبك لسه حبك لسه شوقي
...
ليكى ساطع
لسه حضنك نبض قلبك بين ضلوعى
الحب ساكن
مش هفوتك لسه صوتك
جوة مني نبضه عالى
ليكى يندة مش مفارق
مش هفوتك
تبكى وحدك م الزمن
لسه عايش ليكى انتى
لسه فجرك ما اكتمل
لسه برسم لون ملمحك
لون ربيعك اللى طارح
مش كلام مكتوب هنا
على قصيدة م الورق
مش مجرد حرف ماشي
بين سطوري ويوم مرق
دى الحقيقه اللى كتبها
بين سطورك
بين حضورك
لسه نورك
فجر شقشق
قلبي عاشق ليكى بعشق
لون عنيكى ليل مشبّع
بسمة يحكيها القمر
ضحكه فيها الليل حكيها وف عيونك
سحر راسم فرح عمري
ليكي عمري
بيكى عمري اللى انكتب
بين سطوري لسه حاكي
لسه فيكى لسه شايف
فيكى بسمة م الامل
اضحكي لسه الحياة
بين السواد حبة نهار
لسه طالع
بين عيونك جرح واجع
بس وجعي من بكاكي
بعد كل ده افوتك
مش هفوتك
مهما طال ف الليل سكوت
مش هفوتك
مهما تاه الفرح منك
مهما عاش الحزن فيكى
لسه جنبك مش هفارق
مش هغيب عنك
وهاجر فيكى هسكن بين ضلوعك
مش هفوتك
لالالالالالالالالالالالالالالالالالالا مش هفوتك
**********************************
بقلم الشاعر المصري/احمد ابراهيم
بقلم الشاعر المصري/احمد ابراهيم
ليست هناك تعليقات:
إرسال تعليق