جوه سواقى زمانك تار ............ لـــــــــ محمد سالم ............ مجلة ~ قيثارة القلم الذهبى ~

نفس الشمس ونفس الدار
نفس الشد ونفس الجذب ونفس اللعب على الأوتار
نفس مشاعر فيك تتحدى وتعيش بيها حزين محتار

لما تحب تكون غدار إسأل صاحب ليك مكار
لما تعذب فيك أفكاره لما العتمة تبقى حصار
لما تلاقى عقلك غاب لما تكون ظالم جبار

تلقى خطوط الموت إترسمت ونهايتك بالغدر قرار
تلقى النبض ف قلبك مات وعيونك دبلت م العار
تلقى زمانك بيك إتبدل تصبح موج وسط التيار

والموت ياخدك بالمشوار وغرورك منك ينهار
جوه سواقى زمانك تار يهدم فيك زى الإعصار
يرجع لينا صوت ضحكتنا وتدفينا شمس الدار