مترحليش بعدك انا
مركب فى وسط بحور
غرقانه فين شطها
فيها الشراع مكسور
ميت يا ضؤ فجرها
ليها النهار محظور
بسمة امل لما الالم سافر
فيها الشراع مكسور
ولسه بيعافر
قلبي الجريح جوايه وبينده
بس الحنين من سنه
منى انا راحل
والدمع فيا سكن
والفرح مش واصل
مركب وضاع شطها
والشط مش باين
كداب يا وعد الامل
فجرك وليه خاين
دمعة بكي تصرخ
بس الفضا نايم
مسجونه يا صرختي
ف بحر الجراح عايم
مكسورة يا فرحتى
فيكى الحنين غايم
لون السواد جوة السحاب باين
والحرف منى انكسر
بين السطور سايب
كلمة فرح فيها انجرح سطري
هكتب ولسه هقول
فيكي هعيش قدري
لو حتى مش راح اكون
ملكك ولا ملكي
لكن هاعيش عاشق
بين الحنين وعدي
هكتب انا ليكي حرف
الهوى ف شعري
ليكى قصايد حب
وشوقي فاض بي
هكتب واقول عنك
وحشاني يا حببتى
وحشاني يا حببتى
ليست هناك تعليقات:
إرسال تعليق