** من كل نساء العالم ** // بقلم / سعيد عبده السيد // مجلة ~ فيتارة القلم الذهبي

السبت : 15/8/2015
الساعه : 4،53 عصرا

*****************

من كل نساء العالم
حبيتك أنتى و بس
حبيتك و ربى العالم
إنى بيكى بحس
من كل نساء العالم
بكل كلمه فيكى
بحنان لمسة اديكى
ربنا اه يهديكى
لحبى و قلبى و بس
من كل نساء العالم
اه لو تفهمينى
من قلبى تسمعينى
و بشعرى تقربى لى
نعيش حياتنا ف همس
من كل نساء العالم
يا قدرى اه و نصيبى
ليه عنك تبعدينى
بالشك اه ترمينى
و انا ليكى و بس
من كل نساء العالم
يا بدر منور فوق
في السما و كلك زوق
ما تروق عليا روق
خلينا نفك اليأس
من كل نساء العالم
$$$ كلمات
سعيد عبده السيد