الجمعة، 7 أغسطس 2015

مش حرام نقول عليهم رجالة ..............ياسر التونى ............ مجلة ~ قيثارة القلم الذهبى ~

شفت ف مرة شباب خلونى
قلت انا( باى )وبلاها (سلام )
صعب تحدد مين الراجل
وكمان مين ف الشلة مدام
قال على وسطه رابطلى بلوفر
رابط الكم كانه حزام
قلت انا يمكن اتهيأ لى
قرب كام خطوة لقدام
بس ياريتنى فضلت مكانى
شفت انا حاجة ولا الاحلام
مخلوق راجل لكن عينى
قالت اوعى تقولها حرام
فاكرين بنت السلطح ملطح
مع يوسف وهبى ف الافلام
حاجة بتشبه( لوسى ) واكتر
بس حقيقى ومش اعلام
نظرة عينه تقلك انه
بالع خط انتاج برشام
وكمان نطقه ف كل حروفه
حاجة تقلك اجرى قوام
لحسن تغلط غلطة يقيموا
بيها عليك حد الاسلام
حاطط قال سماعته ف ودنه
واقف يرقص ع الانغام
وكمان شعره كأنه القنفد
صورة وطبق الاصل تمام
وكمان كام حظاظة ف ايده
ومتعرفش الواحدة بكام
حتى حزامه زعلان منه
نازل يجرى على الاقدام
بقى بالذمة شباب م النوع ده
مش يستاهل 100 اعدام
قالها ابويا عليه الرحمه
نصنا قام والقالب نام
مرسلة بواسطة في
التسميات:

ليست هناك تعليقات:

إرسال تعليق

الاشتراك في: تعليقات الرسالة (Atom)