قال كبر ولدى وشد عوده
ورايح يخدمنى ويخدم بلاده
وجانى والبدله بتزين عوده
قلت أنا خلاص ولدى بقى فى الجيش
خدتنى الفرحه وأفتخرت أنا بيه
ميل على أيدى وباس خدنى فى أحضانه
وقال يا با أدعيلى سعتها
دموعى سالت على منديله
سقيته من حنانى ضمنى
من تانى وسافر بعيد ونسانى
وفى لحظه سمعت خبر كوانى
قالو ولدك بقى شهيد
قلت يا ناس دا لسه مسافر قريب
قالوا قتلوه الخاينين
اللى لا رحمه فى قلوبهم ولا دين
حرمونى ليه من نبض قلبى
حرمونى من الشوق والحنين
فرحت لما كبر وقلت يكون عكازى
فى كبر سنى وأحتياجى
حسبى الله ونعم الوكيل فى أعداء بلادى
وجانى والعلم عليه ما عرفش أنا اقول أيه
غيرأنه فداكى يا بلادى
غير أنه فداكى يا بلادى
الشاعر/على فياض البلصفورى
قطرات الندى
ليست هناك تعليقات:
إرسال تعليق