عودة الأقصى ............. بقلمى صلاح الصغير ............... مجلة ~ قيثارة القلم الذهبى ~

الأقصى راجع راجع
رغم كل المواجع
وماهننسى ليوم الدين
عزنا فى نصر حطين
وهنرجع تانى نكبر
الله اكبر خيبر خيبر
قولوا ورايا ورددوا
المولى اللى بنعبده
أسرى بالنبى الغالى
لمقام الأقصى العالى
وعهد وراح نجدده
الأقصى راجع راجع
كان القائد بن الخطاب
ماهنا له يوم ولاطاب
إلا لماصفا الحساب
والعالم كله شاهد سامع
وبعد غيابنا عن الدين
رجع بينا صلاح الدين
ووحد المسلمين
وبكرامه وعز جامع
الأقصى راجع راجع
غمه وصابت كل الأمه
لكن بعزيمه ومعاها همه
بإيمانا وعون الله يتمه
الأقصى راجع راجع
لما تتلاقى القلوب
كلها فى قلب الدروب
لما ما تمحى الزنوب
مافى شىء هيكون مانع
الأقصى راجع راجع
الأقصى راجع راجع