الف ليله طواويسي
******************
ابطال الف ليله
الملك هباب يار
والأميرة زفته زاد
والسياف كعبور.بن شمهروش
في بلاد تركب الحمير
وفي ليله سوداء جلست زفته زاد تحكي لهباب يار
قصة الواد بسه والحاجه سكسكه
وسر البطاله والعنوسه وحياتهم الملعبكه
وقالت
يامولايا بلاش من دي الحكايه
لانها بصراحه تعكنن
وانت مجنون ومتجنن
كان فيه واحد عبيط
وشه مليان شخابيط
اسمه الطاووس وهاد
نكدي وغايظ كل العباد
قعد يكلم نفسه
ربنا يخرسه ويخرس حسه
قال
وقفت امام المرايا
فوجدت مناخيري في قفايا
هذه مطلع قصيده جديده
جايز تكون مفيده
والله ياطاووس كلامك عجب
وتستحق الحرق بدون سبب
فاغتاظ من كلامه
وكسر كل اللى قدامه
وقال قف عند حدك
وهات اسوأ ماعندك
كفي كبرياء
وكف عن الهراء
قال فقلت لنفسي
اه يا سبب نحسي
لنتحدث يا وهادو سويا
ولا تكن غبيا
راقتني المقوله
وسخريتي المعسوله
فاجأت نفسي بسؤال
ما هو الشئ الذي لا يقال
وهنا نهق الحمار
عند طلوع النهار
فسكتت زفته زاد عن الكلام
ونادي هباب يار بن اللئام
يا كعبور هات الساطور
قالت زفته زاد سيبني لبكره يخرب بيت اهلك
*************************************
بقلم/ وهاد الطاووس
وجدي إبراهيم مصطفى
ليست هناك تعليقات:
إرسال تعليق