** .. (( أنا المسئول )) .. ** /// بقلم / أحمد السباعى /// مجلة ~ فيتارة القلم الذهبي

أنا المسئول
*********
*********
أنا المسئول .
أنا المسئول و مش سائل ف حد بجد
أنا السلطه
أنا الجبروت و مش شاغل دماغى بحد
أنا الآمر أنا الناهى
أنا فرعون
و فرعنتى ما ليها حد
زمن سخره زمن تعبيد
يعيش كالعبد
أعيش كالسيد
أنا فرعون بعلو الصوت
بقول و بعيد
أنا المسئول
أنا السلطه
أنا فرعون
حياتى كلها حفلات
و مؤتمرات و تصريحات
و سفريات و أمسيات
و لو ف السر فى مؤمرات
و تسويات
و اتفقات
ما بهتمش لو العصفوره فضحتنى
بتسريبات
ههء هء هء
ضميرى مات
دا أنا المسئول
أنا السلطه
أنا فرعون
أبات شبعان
و لو حتى يموت الشعب فقر و جوع
و عندى للفصاحه لسان
و صوت الشعب مش مسموع
و من خوفه
تبات الآااااهه مكتومه
و محبوسه
بتغلى بين حشا و ضلوع
و لو حتى على صوته
يقوووول لطالون
ما بسمعشى
خلاصة القول
أنا المسئول
أنا فرعون
و ضعف الشعب قَوَّانِى
سُكُوتُه عَنِّى فَرْعَنِّى
و خوفه مِنِّى خَلَّانِى
أعيش ف زمان
وِ هِوَّ يعيش زمن تانى
****************
أحمد السباعى
***********