نجل ما يموت الحمام
*****************
ياللى إنت عايش فى الحياه طالق لجام تشترى الأحزان بكام
تزرع الورد فى عيونى تختلف وياك ظنونى وأبدأ أحلم بيك وأنام
يبتدى الحلم الجميل والنسيم يصبح عليل وأفتكر كل الكلام
أبدأ أحكى عليك بخير تهرب الأحزان وأطير زى طير برج السلام
زى الشجر بتميل غصونه لما يفرح بالهوى وسط الزحام
ساحة ندم ويا سرداب العدم خلقت الخوف والضلام
أصل حلمى كان كابوس نفس التروس نفس الحُطام
نفس موجه تنتهى ويا السكوت نفس مُخرجنا الهُمام
فيلم عايش فيه طويل فيلم درب المستحيل أصبح تمام
نفسى أعيش طالق لجام نفس أطير وسط الشجر زى الحمام
يتبدر سم البشر ينزل مطر ينزف دموع شبه الحجر من غير كلام
نجل ما يموت الحمام
محمد سالم
ليست هناك تعليقات:
إرسال تعليق