***** أهﻻ رمضان *****
كتبتها فى رمضان 2016
رمضان هل هﻻله علينا ونور
وانا يوماتى ألف وادور
مطلوب منى أجيب فوانيس
وعيالى عايزنى أحل الكيس
ومش قادر اقول ياعيالى مفيش
وبنتى تقولى
نفسى يابابا تجبلى ياميش
ولجل عيون الحلوة حبيبتى
جبت ياميش
بس اللحمة منين بس هاجبها
والفرخة البيضا إيه بس يعبها
قالو ماشى يابابا
مش عايزين لحمة
بس اتوصى ف حجم الفرخة
عايزين فرخة بصدر ثمين
والوسط مقاس سته وتﻻتين
ياعيالى كفايه أغانى إعﻻن
ماتفتكروش الجيب مليان
قالو بس يابابا نصوم إزاى
من غير سمبوسة وحلو إزاى
ياعيالى الصوم مش ملو بطون
وﻻ محشى وبط يمﻻ صحون
رمضان ياعيالى شهر القرأن
والصوم ياعيالى راحة لﻻبدان
مش أكل وشرب لحد الفجر
والمصحف ع الرف بيشكى الهجر
صومو ياعيالى زى الرسول
وخلو المصحف معاكو على طول
سواء رمضان أو غير رمضان
صبح وليل وف كل مكان
عشان يرضى عليكو الرحمن
عشان يرضى عليكو الرحمن
أحمد أبو عاصم
ليست هناك تعليقات:
إرسال تعليق