حاجه تمخول حاجه تلخبط
----------------------
كل الناس عمالة تنتت
واللي يصلح واللي يخربط
ناس تتعلم حاجه مفيدة
وناس شغاله عليه بتظبط
حاجه تلخبط........
المتحفلط والمتزفلط
والمتقلوظ والمتعفرت
واللي بيدبح في السلخانه
حتت سيرش عليه يتنطط
حاجه تلخبط...............
صنف بيكتب وصف حبيبته
فيه سهران مستني نتيجته
ناس بيمثل ليها هدايه
وناس شغاله عليه تستعبط
حاجه تلخبط...............
عمري ما هنكر انه يفيدك
لو حكمت العقل في ايدك
بس صراعك ورا نزواتك
فيها نهايتك لو تستعبط
حاجه تلخبط.............
أصل النت دا شيء ادمان
شيء من فعل ولاد الجان
واللي يطاوع فيه شيطانه
يولد جن لئيم متكحرط
حاجه تلخبط.............
لو مضطر اسمعها نصيحة
وابعد عن صافيناز ومديحة
أي شمال راح ياخدك دوغري
جوا النار لازم تتظبط
حاجه تمخول حاجه تلخبط
ليست هناك تعليقات:
إرسال تعليق