مجلة ~ قيثارة القلم الذهبى ~

قصيدة/ زويلت طومانباي...الشاعر/ الأمير محمد علي...المحررة ياسمينةالكاشف/ تحياتي.
زويلت طومانباى

ياباب زويله يالى
عنك تاريخك قالى
انك شاهدت عهود
فيها الغرابه تملى

استخدموك حكام
فيهم شريف ولؤام
زفه لقطر الندى
بلوه من العثمانلى

شنقوك ياعم طومان
يااشجع الشجعــان
بطل ماكان له مثيل
ضفرك بمليون مِللى

مماليك فيهم خاينين
وسليم من  الضالين
ياطومان ياسيد الناس
خاير خانك ياخـلى

كان يوم سواده تقيل
كان احتلال ونزيل
نزلوا بمصر الهوه
اتراك جراد مايخلى

شايفك يابو الابطال
لما بكون جــوال
م القلعه لباب زويله
بوابة المتولـــى

الشاعر الامير محمد على