طوق نجاه .....بقلم فتحي وجيه

.. طوق نجاه .....

نفسي اكتب عن الفرح .

لكن الحزن كاويني ..

او ارسم طريق الامل .

بس اليأس ماليني ..

كل يوم يابلد .

مافيه خبر يفرحني ..

كل اخبارنا هموم .

وحاجات كتير بتجرحني ..

مره طياره تقع .

والكل ياخد ناسه . 

مخطط علينا بيتعمل .

ولا نعرف مين اساسه ..

عايزنا نركع يابلد .

علشان نبوس الإيد ..

ودايماً نحتاج لهم .

ونعيش لهم عبيد ..

ومره نوي ومطر .

وشوارعنا تبقي بحور ..

وبيوت كتير تنهدم .

والموت كاس بيدور . 

قوليلي بقا يابلد .

انتي رايحه لفين ..

عايشين في هم ونكد .

والقلب بقا حزييييين..

نفسي امسك قلم .

واكتب عن الاحلام ..

اناجي مره قمر .

وافرح مع الايام ..

لكن الهموم يابلد .

علينا بزياااااده..

مش هنفرح يوم .

ولا الحزن صبح عاده ..

دا انا اللي عايش بيكي .

ولإجل يابلدي عيونك ..

ودايماً سارح فيكي .

وشايل كده همومك ..

نفسي اشوفك دايماً .

فوق الكل عاليه .

ماهو انتي كل همي .

ياحبيبتي انتي ياغاليه ..

نفسي في طوق نجاه .

من همي يحميني ..

وانسي الهم لحظه .

وللفرح يوديني ..

للفرح يوديني ..

فتحي وجيه