.............. من يوم ميلادى ياغجر ...................
يلعن أبوه سوق النكد
ويلعـــــــــــــــــــــــــن الساسه
معارضه حب بقر
نعجه وعاملى دكر
وحكـــــــــــــــــــــــومه نخاسه
عاملين حمـاة البلد
وسرقتوا اهل البلد
والطفل اللى اتولد
وعيشـــــــــــــــــــــــنا بوناسه
انا العايش على قوتى
وضاع العمربسكوتى
لاعرفت يوم ارتشى
ولاعشــــــــــــــــــــت بنجاسه
ولابعــــت يوم البلد
ولا خونت يوم البلد
ولاطلـــــــبت المدد
ولانفـــــــــــــــــــسى دساسه
ولاخونت يوم دينى
وأهوعشت بجبينى
يامطلــــعين عينى
بالنصـــــــــــــــــــــــب بكياسه
من يوم ميلادى ياغجر
وانا بالشــــــــــــــــقى مطحون
ولايوم ملكنى الضجر
ولاكنت يـــــــــــــــــــوم مجنون
ولا عمـــــــــلت كبير
وانا بالاســـــــــــــــــاس ملعون
ألهب عقـــول الشباب
والسر اعــــــــــــــــيش بمجون
واطلع يكل الشاشات
خايف علـــــى بلدى
والسر كـل الحاجات
بايع وعمـــــــــــــــرى ماصون
بالصبح اعمــل امام
والليل يجــــــــــــــــــينى أخون
ولاكنت دكتور مرتشى
وأوهــــــــــــــــــــــــــــم العيان
ولامحــــــــــامى سليط
وأحـــــــــــــــــــــــــبس الغلبان
ولا اخــــــــوانى عبيط
بشـــــــــــــــــــــــــم بالنسوان
ولا مهــــــــندس عميل
والعب علـــــــــــــــــــى البنيان
ولا زراعـــــى خسيس
اخـــــــــــــــــــــربلى كام فدان
انا ابن مصــــــــر الابيه
جنـــــــدى زارع غيطى
وارضى عرضــــــى والبت نبويه
بتيجى وقـت العصارى
نضحــــــــــــــــــــــك لنا شويه
ورغم فقــرى وجوعى
ستر وغطــــــــــــــــــــــــى ليا
راضيه وحامده ربها
اصـــــــــــــــــــــــــــول وتربيه
الاصل بيت العرب
والبــــــــــــــــــــــــــت مصريه
وجيشنا درع الوطن
بشـــــــــــــــــــــــــــــيله بعنيه
..................... احمدعامر ........................
ننوه ان ماينشر حق مسجل بالهيئات المنوطه بذلك 5501201/2016 س م ب
ليست هناك تعليقات:
إرسال تعليق