الستر!!!!.... جانى
التمر ....تمر حنة
والريحة.....جايه من الجنة
والميه.......عصير ورد
متحلى.....بعسل شهد
واغوايش.....جوز وفرد
والمشاءالله......غالية ماتترد
والقمر.......بدر فى تمامه
والكل عندنا....خدامه
قلت ياسعدى ياهنايا
جانى مرادى ومنايا
قلت له...خد ايدى
داانت فى الدنيا سيدى
وسيدى يعنى وديدى
يحدد لى يوم عيدى
قال لى يللا نتهنى
بالتقوى نروح الجنة
مشانى على بساط احمر
مزهزه الله اكبر
بالراحة...قلت اتمخطر
لاجل المسافة تكبر
دا انا فرحتى ماتتقدر
قلت له والله فيك ماافرط
ولافى يوم عليك اتشرط
داانا من غيرك اتغرب
جاب لى ورد الوان
بايده قطفه من البستان
وجابلى بلح زغلولى
واقف بيه الخولى
اشاور يناولهولى
وجابلى كمان فستان
مزهزه كله ستان
ده كله رهن بنان
وجابل سلسلة فضة
تحفظنى من الخضة
وجابلى مصحف قرانى
لاجل يزود ايمانى
وجاب معاه مصلية
اقف عليها متوضية
اصلى وادعيله والنية
يارب يخليه ليه..............الغيث الوفير..." فاروق الباشا" مصر فى ١/٥/٢٠١٦
ليست هناك تعليقات:
إرسال تعليق