** الكلام ولا السكات ** // بقلم / الشاعرة_رضاعبدالوهاب‬ // مجلة ~ فيتارة القلم الذهبي

الكلام ولا السكات ..الحياة ولا الممات
الألم يهد فينا يهزنا ولا نفرح ويّا الأرجوزات
هى دى كل الحقيقة ولا أنا نفسى حقيقة
ولا حلم وتايهة فيه هصحى وأنسى حتى
شفت ايه ولا أنا من كتر غلبى ناسية
أنا كنت عاوزة ايه قوللى انت يا اللى جانبى
وانت أيوا انت فيه ايه؟؟اللى فى ايده ماسكنا
فين مايمشى نروح وراه ولا نسأل فين واخدنا
أو طريقنا ومنتهاه واللى بالغصب سايقنا مش
سايبنا نقول آآآآآآآآآهكممونا وقيدونا ..وان صرخنا
يكفرونا يكذبونا يكرهونا فى الحياة لجل مانسيبها
ونرحل مش هنرحل ماكان من البداية أسهل لا
كنت أثور أوألف أو أدور أو أخيم فى الميدان
كنت أسلم وياأول طلقة فىّ ولا لما أخويا مات
بين ايديا وأجرى أصارع البنادق بالكلام وأهتف
يسقط يسقط النظام وأجرى وسط النار ألاقى
جوّا منها برد وسلام عمرنا ماحد قطعنا نساير
كلنا ايد واحدة اللى قاعد واللى ثاير كنا مسلم
أومسيحى عمرنا ما سألنا اللى جانبى مين
رسولك طول ماهو كان مسالم كان شعارنا
فى الميدان فى 25ينايرلوهتيجوا النهاردة تفرقونا
تكسرونا وبالشريعة تهددونا ربنا اسمه السلام
حق عدل وحقنا لازم هيرجع مش هنرجع فى الكلام
أو هنزهق اوهنتعب من الملاوعةوالخداع حتى اسألوا
صديقكم الوفى والأمريكان احنا زهقنا من زمان
احنا شعب لينا رب مااحناش كفرة أو رعاع دا احنا
خلطة من ايمان سوا صليب أو هلال واوعوا علينا
تضحكوا بالحلال أو بالحرام دا انتوا لما تكون رخيصة
تكون حرام واما عايزنها فى ايديكوا ياسلام مليون حلال
دى مهزلة لما تكون المقصلة لشعب علم الدنيا السلام
جزء من قصيدة(الثورة مستمرة)
30/1/2013
‫#‏الشاعرة_رضاعبدالوهاب‬