صحى النوم ياقمر
مقدرش اقولك بالليل
بطل سهر
ده احنا بنتملى بنورك
ياقمر
وبنفرح بضيك فى الليالى
وبيطول السهر
ونحكى قصص وحواديت
وبنغنى على نورك مواويل
اياك تنام ياقمر
خليك صاحى على طول
خلى حبيبى يحكيلك عنى
وانا احكيلك عنه واقول
هو زيك ياقمر
ويمكن كمان يزيد جماله
اه لوشفت حبيبى ياقمر
وشفت عنيه وجماله
حتقوله خليك مكانى
مشفتش زيك فى زمانى
هو صحيح ياقمر
حبيبى حكالك عنى
ولا مقلش كلام عنى
احكى ياقمر
كده برضه ياقمر
تخبى عنى كلامه
طيب احكى وانا
جنبك سهران
اشوف قال ايه عليه حبيبى
دنا شارد الفكر وحيران
فى اليوم غاب عنى ساعة
نام فيها وسابنى سهران
كده برضه ياقمر
تصاحبنى ع السهر
ومتقليش
طيب ياقمر خليك مكانك
الصبح يصحى حبيبى
واخليه ينسينى جمالك
*************كلمات***
عمر يوسف عبد الرحيم الشريف
ليست هناك تعليقات:
إرسال تعليق