** .. بحب أمل .. ** // بقلم الشاعر السكندرى/على الطاووس // مجلة ~ فيتارة القلم الذهبي

يا جماعه أسم(أمل)ده مش أسم حبيبتي و لكن الشيئ بالشيئ يذكر
أغنية///بحب أمل
أنا بحب أمل...
ولكن ألأمل ده عليا عالى...
حبيت أطوله انا من السما...
لكن حبل الوصال غالى...
كل ما بشوف وجه حبيبي...
بيبقى يوم نادى و البشاشه اللى عليه أثرانى...
وعشقت روحه قبل جسده...
وكل حاجه فيه عجبانى...
جلساته معايا...
وصوته الهادى...
نبرات الحب و الغزل والعشق هما دول كل أدواته...
أحب أجلس وياه صامت وكلى أذان سمعاله...
ليروح من كلامه حرف من ودانى...
و لما تخلص جلسته معايا...
و أروح...
أبداء من فراقه اعانى...
و أستحضر كل لحظه فى لقائه...
همساته نظراته و كلماته و حركاته...
حتى حركة شفايفه و هى فيا بتتغزل عنيا مش نسياها...
علشان فى ليلى الطويل بتبقى مونسانى...
فا يكبر و يزداد حبى...
ليوصل لكل أعماقى...
ما أنا بحب أمل...
لكن ألأمل ده عليا عالى...
حبيت أطوله انا من السما...
لكن حبل الوصال غالى...
و من فين اطول الوصال و هو سايق عليا الدلال...
مع تحيات شاعر الوجدان الشاعر السكندرى/على الطاووس