** .. كنوز القلب .. ** // بقلم الشاعر / راضي مشيلح // مجلة ~ قيثارة القلم الذهبي

كنوز القلب
من ديواني سر الحبق
................................
عيوني بحر والموج يِتْدفَّق
ووجهك شمس قرص الشمس شفّقْ
وعالبحر لما فات فيو بات
رجعت اليي الاحلام تتحقق
وشاعر انا خلقان تا احكي
وارسم لوجهك صور بالمحكي
وان ضاعت.الصوره ال بلعين محسوره
بتصير روحي عالهدا تبكي
كوني وفيِّه مثل قرص الشمس
وكل يوم عَ ذات الدرب عودي
لا تقتلي فيي الحواس الخمس
وظلك معي تا حس بوجودي
وتا يضل رسمك فالبحر منصان
لا تفزعي ان غمضت عينيي
بعرف انا موج البحر خوّان
بيقذف كنوز القلب يوميّه
وبتضيع بين الرمل والنسيان
وهيهات
و هيهات اقدر ردها ليِّي
........................................
راضي مشيلح