** {{ قال السادات كلمته }} ** // بقلم / سمــــــــير محمد // مجلة ~ قــــيثارة القلم الذهبي

{{ قال السادات كلمته }}
:
:
وعادت بينا الايام
ودار ولف لفته الزمان
زى النهارده من الايام
كان يوم السبت
العاشر من رمضان
الرؤيا ضبابيه
والسماء ملبدة بالأشواق
والتوقعات مبشرة
يتوقع أن تؤدى السماء
هطول لايتوقف
قال العريس لأ ُمه
من زمان بحوش
وجبت الشبكه
زغرطى ياماى
النهارده على
الاعادى حفله
تكون صباحى
أشفى غليلى
وأداوى بيها جراحى
بعد ما اسودت عيشتى
وغارت يااماى جراحى
جه اليوم اللى
أفك فيه قيودى
وأغنى فيه
وأنا صاحى
قال السادات كلمته
وصدرت الأوامر
وفى العصريه
مرق الشباب
على حصيرة
وفجأة يدق
صوت الحرب
الله اكبر الله اكبر
يهز صوت التكبير الارض
وتخر جنود العدو
على الارض مربوكه
إيش قنابل
وايش بنادق
وإيش بازوكه
عبر العريس وجاب
لعروسته الشبكه
إكتب ياتاريخ
عن احمد وجرجس
حماة الوطن
أبـويه زمـــان
وصانـى ع الوطــن
وعلى التراب
اللى مايضاهيه تمن
وبسواعدنا القويه
رفعنا علم الحريه
ياخير الجند
أقبل بعزة
فنحن للوطن لم نخن
نقبل على الموت
ونشترى المجد
بأغلى تمن
سيناء أرض الانبياء
ومصر عندنا
عَلمَاً بين الأ ُمم
:
العاشر من رمضان
:
بقلم/سمير محمد