مجلة ~ قيثارة القلم الذهبى ~

قصيدة/ لحن البداية الطيبة...الشاعرة/ عبير الجندي...المحررة ياسمينةالكاشف/ تحياتي.

لحـــــن  البــدايـــه  الطيبــــه
؛؛؛؛؛؛؛؛؛؛؛؛؛؛؛؛؛؛؛؛؛
خبينى من ريح الفراق
ودارينى دايما م الشجن
فى القلب .. زاد الإشتياق
يا اللى هواك لىّ وطن

إوعى تفارق مهما كان
بكره الرياح تصبح هوا
القلب عمره فى يوم ما خان
يا حبيبى .. يا أحلى دوا

إنت السفينه بميت شراع
لها ألف رايه .. وألف لون
خلى الدراع .. جوه الدراع
وداوينى يا قمرى الحنون

أرجوك تقوم تعزف بقى
لحن البدايه الطيبه
يطفى من القلب الشقا
يصبح عشانى مركبه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
عبير الجندي