** .. سامحيني .. ** // يقلم الشاعر / ابورؤى قاسم الدوسري // مجلة ~ فيتارة القلم الذهبي

سامحيني
گلت أحبك ،،،،من زمان
وانت هم ميته عليّه
قصتي صارت جبيره
تورطت وهاي هيّه
سامحيني،،،
صدگوني،،
ومادروا حجيي جذب
آنه مصدوم بحياتي
وحتى ماأعرف أحب
جنت أحب وحده جميلة
والشعر مثل الذهب
خانت العشرة بثواني
وگالت اليوم أنخطب
الف مبروك وتهاني
وطعنتك وسط الگلب
سامحيني
گلت اهواها وأحبها
واسهر أعليه الليالي
عايش وياها احلى قصة
جنت راسمها بخيالي
وعلمتني أكتب شعر
وشعري بس الها اكتبهه
وبيها أني منسحر
عالعهد تعاهدنه احنه
بالعشك ماكو غدر
وخطوة خطوة نبني عشنه
ونبتدي من الصفر
سامحيني،،،،
ابورؤى قاسم الدوسري