** .. أنا حُرّ .. ** /// بقلم الشاعر / بهاء اللبودى /// مجلة ~ فيتارة القلم الذهبي

أنا حُرّ
*********
عصفور انا طاير حر .
دايما تلاقينى ف الجو
وساعات فوق
شجرة توت ..
حارس شايل نبوت
سائل رب الملكوت
يفرجها برزق اليوم
***
واوقات أحتل بيوت
فوق سطحها كل الزاد
عادى لو اتمشييت
خطوه و اوصل للغيط
***
عصفور انا طاير حر
سائل رب الملكوت
***
او ريشه تعدى حدود .
مفتوحه الدنيا بلاد
والبخت فاتحها مزاد

عابر زعابيب النّو
وكأن انا صاحب البيت
عصفور انا طاير حر
اسف انا مش كتكوت
****
بهاء اللبودى