** .. دلوقتي جي تنادي ليا .. ** // بقلم / سيد صادق // مجلة ~ فيتارة القلم الذهبي

دلوقتي جي تنادي ليا
وتقولي قلبك حس بيا
طب كنت فين طول السنين
لما النوم خاصم عنيا
سيب الكلام في مطرحه
بلاش بكدبك تجرحه ..
كل اللي عايزه اوضحه...
انا بقيت انا ... مبقتش هيا

سبتني معرفش ليه ..
ولو عرفت هاعمل ايه ..؟
كنت لسه مغمضه ..
اول سنه ف الفضفضه
وعشان دا وعشان كده
خدت قلبي و لعبت بيه !!!
ودلوقتي راجع .. فاكراني ايه
حلم عشته .. صحيت ناسيه
وﻻ وش....و بتشبه عليه .
ايوه انا ..
اللي بعتها
و وجعتها
و سمعتها
اللي بينا ..انسيه انسيه
ايوه انا .. بس بقيت
وافهم بقي .. مش هيا
سيد صادق