** .. خليك بعيد .. ** // بقلم / مديحه حسن // مجلة ~ فيتارة القلم الذهبي

خليك بعيد

خليــك بعِندك ينفعك
وهْمَك مغارة بتخدعك
ولاعمري يوم أرجعـك
لقلبي تاني

إذا حتي يوم وصادفتني
وإن جت عنيك وتضمني
عمر الغرام مايهزني
شوف حد تاني
ياما قلبي شاف منك عذاب
وهجرته بحـث عـن الصحاب
يمكن يكون بينهم مآب
وحَبِة أماني
قلبي اللي كان أوفي صديق
وباع زمانه ومشتريك
واللحظة عمر وعاشها ليك
مايحن تاني
خِلص الكلام من غير ملام
والدرس درس م الأيام
ونقول علي الحب السلام
مانعود له تاني
توب الخداع أنا هـ أخلعه
خليه لغيـري هـ ينفعـــه
وتعيش له فتره وتخدعه
وبعد حَبَّه تودعُه
وتعيد زماني
يا أبو قلب مليان بالجفا
ما عرف ف يوم معني الوفا
يومين تَظاهُر بالصفا
وتعيده تاني
فاض كيلي منك
وإكتفي
يا أبو قلب مايعرفش
الدفا
ناكر لكل صفا ووفا
مسخ لزماني
سيب دنيتي و خليك بعيـد
يمكن ف يوم تعيش سعيد
وتلاقي حد بتوب جديد يا
أكبر أناني
خليك بعيد
بقلمي / مديحه حسن