** .. أصحابك .. ** // بقلم / عـــــادل الشــــــهــابى // مجلة ~ فيتارة القلم الذهبي

****** أصحابك ******
قالوا أصحابك ليه كُتار .....
مين اللى للتانى منكم أختار ....
منهم اللى مطمن وغيره شابفه محتار ....
رديت لسه هحطهم فى الغربال ...
الوفى هيفضل وغيره هيكون طار ...
أصل الصحاب مش بلمتهم ...
ولا بشكلهم كمان وشياكتهم ...
الصحاب بيتعرفوا وقت الجد بوقفتهم ..
مش أى حد تعرفه يكون صاحبك ..
ووقت الجد ما تلاقهوش جنبك ..
الصاحب الحقيقى هو اللى يقدرك ويحبك ...
ويكون فى محنتك هو كمان سندك ...
هنحطهم كلهم فى الغربال ...
علشان نحقق المثل اللى قال ...
الكسر يقع ويبقى بس الرجال ...
قالوا صاحب صاحبك وخده على عيبه ...
ووقت الشيده يكون جيبك هو جيبه ...
وأوعى فى محنته فى يوم ابدا تسيبه ...
لو بيميل حاول أنك تعدله ...
ومعاه تكون فى الطريق من أوله ...
وما تسيبوش للايام ابدا تبهدله ...
ده الصاحب زى الأخ تمام ...
ومعاه تكون الدنيا فى سلام ....
انا لصاحبى لازم أكون شمعه ...
ومن عينه أمسح أى دمعه ...
وأكون ودانه اللى للخير سامعه ...
لازم أخاف عليه وأراعيه ...
وأكون الأمل اللى بيتفائل بيه ...
وأفرح لو الخير ذاد فى أديه ...
يالا يا غربال لف ودور ...
طير الكسر وسيب ولاد الأصول ...
الوحش هينكشف مهام خداعه يطول ...
بقلــــــم: عـــــادل الشــــــهــابى