** أنا أبن مصر ** // بقلم / عــــــادل الشــــــــهـــابى // مجلة ~ فيتارة القلم الذهبي

** أنا أبن مصر **
أنا أبن مصر الفلاح ....
اللى عاهدها على الكفاح ....
وفى أرضه حلف ما يرتاح ...
غير ما تنتج قمح وتفاح ...
بحرت أرضى أنا بفاسى ...
وبزرع القمح لناسى ...
وعملى ده هو أساسى ...
ومصر شايلها فةق راسى ...
أرضى برويها من نيلك ...
بزرعها يا بلدى وأغنيلك ...
ده القلب ما يسكنه غيرك ...
القمح زرعته فى غيطانك ...
وبدمى أرويها علشانك ..
وبين الأمم يعلى شانك ...
يا بلدى أنا لونى من لونك ...
عاهدت ربى أنى أصونك ...
وأكون الكحل اللى فى عيونك ..
يا بلدى ده أنا مجنونك ...
فلاح وبعشق أنا أرضك ...
وجاى واقع أنا فى عرضك ...
تقبلينى أنا من جندك ...
ده أنا اللى واقف قدامك ..
وواحد أنا من خدامك ...
عاوز أسهر وأراعيكى ...
والفرحه أشوفها فى عنيكى ...
ودايما أخد بأديكى ...
ومن النسمه بغير عليكى ...
يا مصر وهبتلك حياتى ..
وبيكى يتحقق ذاتى ...
ما يبعدنى عنك غير وفاتى ...
أيوه أنا أبن مصر الفلاح ...
اللى عاهدها على الكفاح ....
بقلـــــم: عــــــادل الشــــــــهـــابى