مجلة ~ قيثارة القلم الذهبى ~

قصيدة/ أشد عتاب...الشاعر القدير/ سامح المواتية. ..المحررةياسمينةالكاشف/تحياتي.

( أشد عذاب )

مش قادر افكر ف حد غيرك
قلبى عمره ما ينكر خيرك
طبعا فاكره انى نسيتك
بعد سنين عمرى ما جيتك

ابدا ابدا مش صحيح
انا من يومها قلبى جريح
كتير حاجات محتاجة توضيح
وضع غريب و مش مريح

بسمع صوتك فى السكات
ارد عليكى انين و اهاات
ابص لصورتك و إللى فات
الاقى الشوق ف حضنى يبات

انا جوايا أشد عذاب
ما كانش بينا أى عتاب
دا إللى غاب اغلى الأحباب
غلطة عمرى وقلبى تاب

نفسى اعرف بس فينك
و تانى تيجى عينى ف عينك
و انا و قلبى نبقى عندك
طول العمر وافضل جنبك
 

                       الشاعر / سامح المنواتى