مجلة ~ قيثارة القلم الذهبى ~

أزهار الحنان/بقلم..الشاعر القدير/ حسن الشوان. ..المحررةياسمينةالكاشف /تحياتي.

____________ أزهار الحنان __________

صدقيني ماكنش قصدي
والكلام  ماكنش  عليكي
ولا في يوم  أنوي  بعدي
ده عمر  حبي كله ليكي
وأوعي تقولي ده عندي
انا بحبك وبعمري شاريكي
بس مش عايزك تقول وتعيد
والناس تعرف حكايتنا
انا بخاف  من عين  الحسود
اللي بتغير  لون  حياتنا
وداري علي  شمعتنا   تقييد
وميعرفوش عنوان بيتنا
مفيش حد سايبنا في حالنا
عايزين يفرقوا الأحبه
ويحيرونا ويشغلوا بالنا
ويضيعوا منا المحبه
مش  عايزك  تقول  وتعيد
والناس تعرف حكايتنا
أنا بخاف من عين الحسود
إللي بتغير لون حياتنا
وداري علي شمعتنا  تقييد
وميعرفوش عنوان بيتنا
مش كفايه اللي عملوه فينا
لما قالولك عني كلام
دي الدموع جفت  من عنينا
من شده قسوة الأيام
عشان كده بخاف من الحسود
وكلامه بيغير  حياتنا
وداري علي شمعتنا تقييد
وميعرفوش عنوان بيتنا
ارجوك خد بالك يا حبيبي
ما صدقنا بقي لينا دار
وبقيت خلاص من نصيبي
والحب جمعنا بالأنوار
واللي بنا يبقي بنا  مهما كان
انا أخاصمك وإنت تصالحني
وانت تخاصمني وانا أصالحك
ولو انت مره ح تجرحني
انا راضي ياحبيبي ومسامحك
بس مفيش حد يعرف اللي كان
عشان نور حبنا يكبر ويزيد
وترفرف عليه أزهار الحنان
وقلوبنا  ترتاح  من التنهيد
ونعيش حياتنا في الأحضان
ونداري علي شمعتنا تقييد
وتنور حياتنا لأخر الزمان

__________________________________
......... الشاعر حسن الشوان ..................