مجلة ~ قيثارة القلم الذهبى ~

قصيدة/ يا مراية ...الشاعر القدير/ سامح المنواتي...المحررةياسمينةالكاشف/ تحياتي.

أغنية شعبيه
( يا مراية )

يا مراية يا عايقة

راحت فين ايامك

مِزوقة و لايقة

للى واقفين قدامك

دا الست لو خايبة

هتعيش ف اوهامك

ولا إللى سايبه

حد صاينها عشانك
______________

يا مراية يا مراية

هى ايه الحكاية

يا مراية يا مراية

وسيلة ولا غاية

يا مراية يا مراية

قولى م البداية

______________

غاشه ليه البنى ادمين

و نصهم مش فاهمين

إن الصورة مقلوبة

عاملة جميلة و حبوبة

وإنتى وحشة و معيوبة

لو عجوزة و كركوبة

تبان  شابة و مطلوبة

_______________

مراية مين و الناس عارفين

إللى يصاحبك يبقى حزين

ما انتى ف الوش مراية

ومن وراهم سلاية

صورة و تطلع رغاية

جيبتى وشى ف قفايا

حكاية مش راكبة معايا

__________________

                الشاعر / سامح المنواتى