مجلة ~ قيثارة القلم الذهبى ~

قصيدة/ عنكبوت كداب...الشاعر القدير/ علي الحسيني...المحررةياسمينةالكاشف/تحياتي.
بعنوان - عنكبوت كداب
-------------------
أبو شبت فلت
حسس وهندس قال
عنكب بكتف الولد
جعمز وقال أنا خال
فحل بصل واتفرد
شبت كرات وأتشال
شبة ف قلب التوم
حنتيت وعليه موال
أوهى البيوت ف البلد
ويخرب بيوت وعيال
له حواشى ومدد
وطبل وعجبة وحال
قوال لسانه جحد
وديما حزين هوال
أنا قلبى بكلامه أنجلد
دا غدره ف كعبه حبال
عملت من الحرده نكت
وهديته دبلة وخلخال
أنا إن بُنايا سجد
دعيت عليه بالفال
يمشى يلف البلد
وهدومه مقطعة وشوال
دا هو ال باع واتخمد
أحسن صديق بالمال
أنا نفسى يا مُنفلت
ف كلمة وبعض سؤال
يتلدغ ليه كده
عمال على بطال
وقبلك أل غدر
من الغدر أيه طال
عارك هيفضل أمد
سبع تمن ترطال
يا ال كيفك نكد
ونمرده وخبال
عمر خيوطك زبد
ولا أتمثلت بحبال
-----------
بقلم على الحُسينى