مجلة ~ قيثارة القلم الذهبى ~

ستات وقادرة ...بقلم..الشاعر القدير/جمال الشرقاوي...المحررةياسمينةالكاشف /تحياتي.

ستات و قادرة
أسد الشعر العربي ( جمال الشرقاوي )
قصيدة \ ستات و قادرة \
من نظم الشاعر \ جمال الشرقاوي \

ستات و قادرة تعمل عمايل
فــ لحظة تنسىَ كل الجمايل
تعرف تخون أيوة و تقدر
بقلوب تسوِّي فيك هوايل
ستات و قادرة

تغضب عليك تغضب قوي
تعند ع العِشْـرَة و تنزوي
تفكر تاخد إمتىَ التار
و قلبها ليك صاحي و شايل
ستات و قادرة

و لو زعلت و مجروحة
و دموعها م كانش ممسوحة
تصرخ لو حتىَ مفضوحة
و تميل مع البخت المايل
ستات و قادرة

تكدب كل يوم كدبة
توقـَّـع الدنيا فــ كُرْبَـة
و هىَ لا بتتعب حبَّـة
و لا ترحم الزوج العايل
ستات و قادرة

تخاف لكن م تختشيش
تغلط تخون تقول بعيش
دنا مظلومة و ما بياديش
و تعبت اراضي و أحايل
ستات و قادرة

تكتب تقول ــ ممنوع الخاص ــ
و تيجي تركب أزحم باص
نفسها تتحب يــ ناس و خلاص
م الآخر عانس مش طايل
ستات و قادرة

الكيد جُوَّاهم أصله عظيم
غلبوا كل شيطان و رجيم
معاهم يصبح أي لئيم
غبي مسكين أيوة و زايل
ستات و قادرة

عايزاك تعيش فــ أحلامها
و تأمِّن علىَ كل كلامها
م تكونش غيور جُوَّة غرامها
و ايَّاك فــ ميدانها تكون صايل
ستات و قادرة

القاهرة \ مارس الأربعاء 29 \ 3 \ 2017 م الساعة 15و 2 ظهراً \ جمال الشرقاوي \ كاتب و شاعر \