مجلة ~ قيثارة القلم الذهبى ~

نفس الصيغة...بقلم..الشاعر القدير/ محمود صلاح السيد...المحررةياسمينةالكاشف /تحياتي.

((( نفس الصيغه )))
بنفس الصيغه بتاعت زمان
نفس الشكل والعنوان
يمر الزمن عام ورا عام
وبنفتكر كل اللى كان
ونقول دا كان وكان زمان
هو عدى من العمر كام
بسأل سؤال ومفيش جواب
والشاهد ألبوم صور جوا الدولاب
لناس عزاز وبعض الأحفاد
عشنا التعب ويا العذاب
يلا أهو حسن الختام
وهى دنيا والسلام
باين علينا أثار زمنا
سايب فينا خط وعلامه
واللى جوانا كتير وياما
والحساب يوم القيامه
نفس النقوش بين الرموش
أتجعدت جوا الوشوش
وشوف نفسك فى المرايا
أتعقدت شخصية الإنسان
 ناس كتير أتجردت من المشاعر
ومش صدفه هى دا بفعل فاعل
واللى عايش فى دور الضحيه وقلبه فاجر
واللى حاضر بنا لكن عقله مهاجر
واللى قال أكتبلى عن الإحزان
أصل أنا مهموم وديما زعلان
خلى الدمع فى عينى يبان
يمكن يحسوا أنى أنسان
حط علامة تعجب
 مع كام علامة إستفهام
وعبر بطريقتك  يافنان
قولت وماله أكتب لك
غنوه حزينه تبكى عنيك
وتبكى كمان اللى حواليك
بس كتير الحزن عليك
حبة فرح منى لك
يخدوا بإيدك ويصلبوا طولك
ويوقفوك على رجليك
وكفايه عليك اللى حصل لك
كلمات/محمودصلاح السيد
7/1/2018