** لاء والف لاء ** // بقلم الشاعر / حسن الشوان // مجلة ~ فيتارة القلم الذهبي

........... لاء والف لاء ..........

لما حبيتك إدتييني البواقي
اللي فضلت من قصص حبك
وعشت حياتي ومش لاقي
إلا فضلات حنان من قلبك
عيشي لغرورك عيشي للذاتك
أخرة مصيرك هدم ملذاتك
لاء وألف لاء وبرفض هواكي
وح هدم عقاري لو جنبك
انا مش ضعيف انا ليا كبريائي
حتي لو قلت لك بحبك
انا ما أعش علي الفتات
وبندم إني أستنيت ردك
عمر ما كان الحب كلمات
أو شوية عطف من ودك
لاء ح عيش عمري كله باكي
بس ما هينش يوم قلبي
وانا علي أي علاقه باقي
لكن أرفض اللي يستخف بحبي

...................................................
............. الشاعر حسن الشوان ........