(((مج كابتشينو)))
أنت اللى شربت الكابتشينو
وحليت بعده بحتة جبنه
قطع الهم وسنينه
دا اللى عجبنا مش عجبينه
واللى لزمنا مش لزمينه
أنا خطرت على بالى فكره
أكتب أسمى على المج
الفقير أبو ضحكه صافيه
بملامح طيبه وخافيه
ومشاعر جيباله الكافيه
وخليه معاك ذكرى
المج ماحنش عجبينه
ورافض الموضوع والفكره
طيب ألعب له حواجبى
وأفكر له فى خطه
ولا أنزل دموعى
وأقول له ياخاين
هانت عليك العشره
طول السنه وأنت قاعد
على المكتب قصادى
وبشرب فيك شاى وقهوه
ومرات تلسع لسانى
من غير مقدمات وعلى سهوه
وأقول مش مهم وأغسلك
وأشيالك من على بوذك وأعدلك
المره اللى جايه على طول دراعى
هرميك على الحيط وأكسرك
مش عايز تانى أعرفك
ولا أغسلك ولا أنضفك
وكفايه مطمرش فيك العشره
وهجيب مج تانى يقدرنى
ويقول ياأستاذ من عمق بنى أشكرك
كلمات /محمود صلاح السيد 24/5/2017
ليست هناك تعليقات:
إرسال تعليق