بقلم/ رأفت الشاعر
ادخل مدار السوسنه
(عاميه)
لو قلت قول م المبتدى
واكتب حروفك م الندى
اعلن صراحتك يافتى
اوعاك تميل بدون ملام
صحي الكلام
لا صخر يمنع حلمنا
ولا حزن يمنع فرحنا
الخطوه عود هيشدنا
والكلمة نور لعمرنا
اوعاك تموت في النفوس
صوت الامل
واركب شراع صوت الضمير
الحرف لصاحبه خلود
ولا يوم يموت لو شد فينا الانتباه
دا النور حياه
والعتمه موت بس بسكوت
الفجر يجمعنا ادان
طالبين من العالي الرضا
وازاي تكون خلف الإمام
وانت اللي ساخت ع الملا
زيح الستار وادخل مدار السوسنه
وانسج صراطك م العبير
المسك طيب اللي اهتدى
م المبتدى شق الطريق
للوصول لاخر المدى
تسابيح بخور العشق نور
ولا يوم يدوم عشق الجسد
الحق نور يغسل فؤاد اللي نجا
لو قلت حي ع الفلاح الروح هتسكن
سوسنه....
بقلم / رأفت الشاعر 2017/5/19
ليست هناك تعليقات:
إرسال تعليق