بقلم / مصطفى المحمدى
قصة ريشة :
ريشة بترسم
للحمام غية
زغاليل
حضناها بنية
وصقر لامح
فى الحمام ضعفة
فقرب يفرض الدية
على أميرة
كانت في الجمال ايه
علشان تنجي أولادها
فعرضت نفسها ضحية
وهية
دموعها في عنيها
وصوت زغاليلها حوليها
فحضنتهم
وباست بالدموع ايدهم
وطارت فردة جناحتها
هتقدم نفسها ضحية
مفضلش منها غير ريشة
بترسم للحمام غية
زغاليل حضناها بنية
ريشة بتكتب
عن حكاوى زمان
وتكتب نبذة للذكرى
وتحكي معايا عن بكرة
الي ما شفتوش
ريشة بترسم
للجمال صورة
وردة وشيلة عصفورة
وشجر التوت
حاجب للقمر ضية
وانا زية
ببص بعينى ملمحتوش
ماهى ريشة
وانا عارف حكايتها
ضحية
بترسم للحمام غية
زغاليل حضناها بنية
ليست هناك تعليقات:
إرسال تعليق