** ((( أم الضفاير))) ** // بقلم الشاعر / محمودصلاح السيد // مجلة ~ فيتارة القلم الذهبي

((( أم الضفاير)))
ياأم الضفايرعجب
فرداها بالشعره
القرب منك وجب
ى مسبسبه القوصه
متسرحه وناعمه
الخصله زى الحرير
بتلمع من الفازلين
معموله مخصوصه
نايمه على الجبين
والفلقه شمال ويمين
ى أم العيوان حلوين
خايف أقول هاتى بوسه
لتعمليلى كمين
وتفتحيلى محضر
وأروح فى سين وجيم
عينى عليكى برده
يحفظك من العين
ى أم الضفاير دهب
بيميلوا على الجانبين
وفيونكتك عجب
مفيش زيها أتنين
خلخالك فى رجلك رسم
على الأرض خط السير
زى الغزاله الشارده
تخطف نظر العين
تلعب أى سبع
وتسويه على الونجين
وتشنكله على أم العين
زينة بنات الحته
هو أحنا مش عجبين
ياريت يوصلنا ردك
وتقولى أخرك فين
ولاأنت عجبك مين
وبلاش تسبينى متعلق
حزين بين البنين
كلمات/ محمود صلاح السيد